Дома Македонски спорт Одличен настап на нашите млади каратисти на СП во Чиле

Одличен настап на нашите млади каратисти на СП во Чиле

Mладите каратисти направија одлични резултати на Светското првенство.

На 11-тото Светско карате првенство за кадети, јуниори и постари јуниори У21, нашите млади репрезентативци направија одлични резултати, што се меѓу најдобрите во историјата на младинските светски првенства. Нашиот кадет Бојан Костов во категоријaта -52кг повторно се закити со медал за освоено трето место. Бојан за својот резултат најпрво ги совлада натпреварувачите од Романија, Србија, Мароко, Индонезија и Русија. Единствено во полуфиналето беше 0-0, но по судиското изјаснување подобар беше противникот од Јордан, кој освои златен медал. Висок пласман оствари и нашиот најдобар млад натпреварувач во кати Александар Неделковски, кој се бореше за медал и заврши како 5-ти.


Вака се слави гол во 120-та минута!!! ↓↓↓


Во конкуренција на помлади сениорски (У21) Ангела Мојсовска во категоријата -68кг исто така го освои петтото место совладувајќи ја во првото коло претставничката од земјата домаќин Барбара Хуакиман со резултат 3:2, во второто коло со 2:0 ја совлада противничката од БиХ Илма Рахмановиќ, но во третото коло изгуби од русинката Илма Исаиева со резултат 1:7. Во репасажните борби Мојсовска најпрвин убедливо беше подобра од Унгарката Дора Чагани со 3:0, а во борба за бронзениот медал беше поразена со 1-9 од Американката Скајлар Лингл.

Исто така и Вероника Костовска имаше одличен настап и успеа да ги совлада во првото коло претставничката од Хрватска Лаура Фуцик со 3:1, во второто коло ја победи бразилката Оливеира Таис со 1:0, победа извојува и во третото коло против Азара Марија од Белорусија со 2:0. Во четвртото коло загуби од русинката Ана Родина со 7:1 а откако таа не уепеа да влезе во финалето, Костовска немаше среќа да учествува во репасаж во борба за медалите.

Доан Османи во својата категорија од -75кг во првото коло го победи натпреварувачот Абулеифа Хамза од Палестина со 4:0 а во вториот круг изгуби против претставникот од Данска со 1:3. Фахик Весели во категоријата -67кг изгуби во првото коло против претставникот од Србија со 0:1. Во категоријата ката женски Владанка Аврамова го освои 31 место.

Коментари
Прочитајте поврзани статии
Load More In Македонски спорт

Проверете

Роби МекГаиган е нов европски шампион во снукер, Влатко Јанев донесе победа за Македонија

Викендов, со победата во финалето на С. Ирецот Роби МекГаиган над поранешниот професионале…