Овие осум репрезентации се пласираа на ЕП. Вечерва може да им се придружат уште две

АВСТРИЈА синоќа стана осмата репрезентација која ќе настапи на Европското првенство следната година.

Австријците победија во Азербејџан (1:0) со голот на Марсело Сабицер од пенал и така заедно со Белгија од оваа група обезбедија пласман.

Покрај Австрија и Белгија, на ЕП веќе се пласираа Франција, Португалија, Шпанија, Турција и Шкотска, како и домаќинот Германија.

Вечерва може да им се придружат Данска од групата Х и Унгарија од групата Г. Унгарците би ја добиле групата Г со победа против Литванија на гости, а на Данците им треба победа над Сан Марино, реми на Казахстан со Финска и Словенија да не загубат во Северна Ирска.