Нова лоша вест од Ѓоковиќ – ја пропушта сезоната на трева?

Новак Ѓоковиќ денес доживеа пораз од сензацијата Марко Чекинато и не успеа да се пласира во полуфиналето на „Ролан Гарос“.

По мечот српскиот тенисер му честиташе на Чекинато, но ги загрижи фановите и најави нова пауза.

„Му честитам! Играше одлично од самиот почеток, а мене ми требаше време да се разиграм. Откако се загреав беше подобро, но не успеав да ги искористам моите шанси. Тој остана смирен во клучните периоди, а мене во некои моменти ми недостигаше и среќа“, истакна Ѓоковиќ.

Ѓоковиќ за време на мечот се жалеше во болки на вратот.

„Не знам дали ќе играм на турнирите на трева“, изјави Ѓоковиќ.