Дефанзивецот Никола Ристески (24) е ново засилување на Работнички. Тој денеска потпиша двегодишен договор со клубот и се приклучува веднаш во работата со тимот во пресрет на стартот на пролетниот дел од првенството.
Ристески доаѓа од редовите на прволигашот Борец и ќе ја зголеми конкуренцијата во одбраната на составот на Александар Влахо.
Салах руши рекорди! Викендов две големи дербија во Премиер Лига! ↓↓↓
„Среќен сум што постигнав договор со Работнички, клуб со голема традиција и шампионско педигре во Македонија и надвор од нашите граници. Се надевам дека ќе дадам полн придонес во обидот тимот да ја оствари зацртаната цел во пролетниот дел од сезоната и понатамошните предизвици. Познавам голем дел од соиграчите и мислам дека брзо и успешно ќе се вклопам во новата средина“, изјави Никола Ристески.
Никола Ристески дојде од прволигашот Борец, а претходно во кариерата има настапувано за Кит Го, Еуромилк и за Кожуф.
Учество во игри на среќа е дозволено за лица со 18+ години. Играј одговорно!