„Не гледам причина ПСЖ да биде загрижен поради Аталанта“

Поранешниот селектор на Франција, Рајмонд Доменек е убеден дека ПСЖ нема причина да биде загрижен поради Аталанта.

Во август, на неутрален терен, Аталанта и ПСЖ ќе играат натпревар во четвртфиналето на ЛШ, откако претходно тимот од Бергамо ја елиминираше Валенсија, а ПСЖ беше подобар од Борусија Дортмунд.

Доменек, поранешниот селектор на Франција, верува дека ПСЖ нема ниту една шричина да се плаши од сензицијата од Серија А.

„Без оглед на резултатот од овој натпревар против Верона, не гледам зошто ПСЖ треба да биде загрижен кога во прашање е Аталанта. Премногу се слаби.“ – напиша Доменек на Твитер.

Доменек беше селектор на француската репрезентација од 2004. до 2010. година, а најголем успех во тој период беше финалето на СП во 2006. година кога загубија од Италија.