Не беа доволни ниту тие 500, Вардар пушта уште 200 влезници за натпреварот со Барселона

Натпреварот помеѓу Вардар и Барселона во Лигата на шампионите кој се игра истиот викенд привлекува огромен интерес кај македонската спортска јавност.

Вардар неодамна во продажба за натпреварот против шпанскиот гигант пушти дополнителни 500 влезници, но од утре ќе бидат пуштени уште нови 200!

Како и претходните 500 и овие билети ќе бидат за стоење и цената ќе изнесува 150 денари.

Црвено-црните против Барселона ќе истрачаат на 11 ноември (недела) во 17 часот.

Билетите во продажба ќе бидат пуштени утре преку „www.ticketplus.mk“, како и билетарата пред СЦ „Јане Сандански“.