Нејмар се забавува до утринските часови, но Емери тоа го одобрува!

Бразилецот Нејмар изминатото лето премина од Барселона во редовите на ПСЖ и со тоа стана најскапиот фудбалер на сите времиња.

ПСЖ за неговите услуги на Барселона и плати 222 милиони евра, а статусот најскап фудбалер на Бразилецот му отвори нови апетити.

Познато е дека Нејмар сака да се забавува. Во текот на летото често ги дочекуваше утрата во дискотеките ширум светот, а така продолжи и по доаѓањето во Париз.

Во текот на викендот Нејмар се забавуваше до утринските часови, но за тоа има дозвола и од тренерот Унаи Емери.

„Млад е, но и одговорен. Надвор од теренот сака да го поминува времето со пријателите. Сосема го разбирам и тоа е нормално. Знае дека мора да се одмара во недела, тоа го правеше во текот на викендот и се чустсвува сосема добро“, изјави Емери.

Нејмар до овој момент во француското првенство на 13 одиграни натпревари постигна 11 погодоци и запиша девет асистенции.