Нејмар не ги мина лекарските прегледи, не се знае кога ќе се врати

Бразилскиот фудбалер Нејмар, пред една година од редовите на Пари Сен Жермен се пресели во Ал Хилал, но за овој клуб досега одигра само пет натпревари.

Нејмар се повреди уште веднаш на стартот и се уште е надвор од терените. Вообичаената пауза при ваков вид на повреди е од шест до девет месеци, но во случајот на Бразилецот таа е уште подолга. 

Последните информации велат дека тој паднал на лекарските прегледи кои биле направени неодамна и се проценува дека ќе му бидат потребни уште два месеци да се опорави од тешката повреда.

На Ал Хилал му оди одлично и без Бразилецот, но богатите шеици сакаат што поскоро да го видат Нејмар на терен бидејќи за него платија цело богатство.