Несторовски се враќа во Серија А – потпишува за седумкратниот шампион

Македонскиот репрезентативец Илија Несторовски е на чекор до враќање во Серија А, пренесуваат италијанските медиуми.

Напаѓачот на Палермо минатата сезона ги воодушеви сите на Апенините и постигна 11 гола за Палермо, а оваа сезона продолжи со одличните игри и во Серија Б.

Преодниот рок започнува за неколку дена, а италијанските медиуми тврдат дека Торино е силно заинтересиран за Македонецот. Имено, Синиша Михајловиќ сака да донесе напаѓач кој ќе може да биде замена за Белоти, но и да игра во тандем со „петелот“.

Претседателот на Палермо, Зампарини е отворен да започне преговори за трансферот, кој според некои информации би требало да изнесува 5 милиони евра плус бонуси.

Торино е седумкратен италијански шампиони и моментално е тим кој се бори за излез во Европа, па сигурно ќе биде чекор напред во кариерата за Несторовски.