Роџер Федерер зад себе има неверојатна сезона што ќе ја заврши со настапот на завршниот мастерс во сезоната, каде заедно со Рафаел Надал е најсериозниот кандидат за освојување на трофејот.
Поради тоа, АТП му додели на Швајцарецот три награди. Тој по 15-ти пат во исто толку години е избран за омилен тенисер, 13-ти пат ја доби наградата за ферплеј „Стефан Едберг“ за која гласаат тенисерите, а прв пат во кариерата ја доби наградата за камбек на годината.
По шестмесечната пауза, Федерер годината ја започна на 17-то место на АТП-листата, а откако освои седум турнири, меѓу кои Австралија опен и Вимблдон, тој стигна до второто место на листата. Пред него е само Рафаел Надал, кој 2017 ќе ја заврши на челната позиција.
Покрај Федерер, лауреати на АТП за 2017 година се браќата Брајан (најдобар дубл) и Денис Шаповалов (играч со најголем напредок).
Учество во игри на среќа е дозволено за лица со 18+ години. Играј одговорно!