Непоразениот шампион се спрема за борба со Ентони Џошуа!

Ентони Џошуа од превземањето на светскиот трон сатана главна мета на сите боксери во тешка категорија.

Одличниот Британец изгледа навистина доминантно, а најголемиот предизвик ќе го има во април кога ќе се бори со победникот од борбата помеѓу Тајсон Фјури и Детонај Вајладер.

Меѓутоа Џошуа наскоро би можел да добие уште еден голем предизвик. Крунисаниот крал на крузер категоријата Александар Усик е спремен да премине во тешка категорија и да го симне Џошуа од тронот.

Сепак, Усик прво сака да одработи две припремни борби кој би требало да се случат во 2019 година.

„Ако одлучиме да одиме во тешка категорија ќе мора да го направиме тоа професионално. Ќе ни требаат неколку месеци пред да тргнеме по Џошуа. Потребни ќе ни бидат една или две борби, но убеден сум дека Џошуа добро ќе се снајде“, изјави менаџерот на фантастичниот украински боксер Егис Килмас.

Усик досега во кариерата има 16 борби и исто толку победи.