Некогаш Икарди „решеташе“ за Барселона, но вистинска шанса никогаш не доби (ВИДЕО)

Фудбалерите на Барселона во среда пред своите навивачи ќе играат против Интер во рамките од Лигата на шампионите.

Каталонскиот клуб ќе биде значително ослабен во овој натпревар бидејќи Ернесто Валверде не ќе може да смета на Лионел Меси кој заработи повреда на раката.

Интер е во добра форма, има и максимален учинок во два натпревари во најелитното европско натпреварување и секако дека сакаат оваа низа да продолжи. Најголеми надежи во таборот на „нероаѕурите“ секако гледаат во капитенот и лидерот на тимот на Мауро Икарди.

Тимот на Барселона не е непозната територија за Икарди бидејќи напаѓачот веќе настапуваше за младинските селекции на овој клуб. Аргентинецот во Барса пристигна во 2008 година и беше член на „Ла Масија“ се до летото 2011 година. Тогаш направи трансфер во Сампдорија, а во Европа се прослави со настапите за Интер.

Барселона пред овој натпревар одлучи да се потсети на головите кои Икарди ги постигнуваше за младинските категории на Каталонците, од друга страна пак напаѓачот сигурно ќе биде мотивиран да докаже дека погрешија што никогаш не му пружија вистинска шанса.

https://www.facebook.com/fcbarcelona/videos/622046261524122/