Недвед ја критикува УЕФА: Финансискиот фер-плеј нема врска!

Потпретседателот на Јувентус, Павел Недвед испрати критики кон Европската фудбалска унија (УЕФА) поради финансискит фер-плеј.

Јувентус застана против УЕФА кога со Барселона и Реал Мадрид се издвои како еден тимовите кои најмногу се залагаа за Суперлигата. На крајот УЕФА не можеше да направи ништо затоа што се донесе одлука дека нема основа за казна.

Главната идеја на Суперлигата беше за големите клубови да добијат поголема стабилност во функционирањето.

„Не знам што УЕФА гледа, но финансискиот фер-плеј кој постои нема врска. Едноставно не функционира. Целта на него е да се троши толку колку што ќе се заработи меѓутоа во реалноста тоа не е така, секој прави што сака и трошо колку сака. Сигурно дека нешто треба да се промени“, изјави Недвед.

Очигледно е дека Недвед индиректно го впери прстот кон Манчестер Сити и ПСЖ, а Њукасл наскоро би требало да биде најновата мета откако на чело на овој клуб застана принцот на Саудиска Арабија Мохамед Бин Салман со богатство од околу 320 милијарди евра.