Неверојатно: Тенисер наместил 135 натпревари во кариерата!

Jунус Рашиди е малку познат тенисер во јавноста, но сега го привлече вниманието на спортската јавност затоа што беше објавено дека наместил неверојатни 135 натпревари.

Рашиди заработи доживотна суспензија од Меѓународната агенција за интегритет на тенисот (ИТИА). Станува збор за убедливо најтешката казна во тенисот, но не може да се каже и дека не е заслужена затоа што бројот на наместени натпревари е преголем.

Најдобриот пласман во на Рашиди во кариерата му беше 473-то место на АТП листата. Освен суспензијата тој ќе мора да плати и парична казна во износ од 34.000 долари.

Во соопштението од ИТИА се наведува дека Рашиди бил вклучен во местење натпревари со двајца алжириски играчи кои неодамна беа исто така суспендирани, но со помали казни.