„На Роналдо сигурно му е криво што не е со нас во ПСЖ“

Aргентинецот Анхел Ди Марија овие денови даде интервју во кое зборуваше на различни теми, а го спомена и Кристиано Роналдо.

Ди Марија имаше прилика да игра со Роналдо во Реал Мадрид, а сега покрај репрезентацијата ќе игра со Меси и во ПСЖ.

„Навистина ова е голема победа за ПСЖ. Со Меси е многу лесно да играте. Неговата топка каде и да бидете секогаш е точна. Во кариерата сум играл со големи играчи како Роналдо, Руни, Бејл, Нејмар, Мбапе, Ибрахимовиќ…Но, Меси е од друга планета. ПСЖ направи голем тим. Сега сите сакаат да бидат тука, на Роналдо сигурно му е криво што не е со нас“, се пошегува Ди Марија.