„Најк“ веќе ја спремил тужбата за Роналдо?

Кристиано Роналдо се наоѓа во големи проблеми откако е обвинет за силување кое наводно се случило во Лас Вегас пред девет години.

Кетрин Мајорга испрати тешки обвинувања на сметка на славниот фудбалер. На почетокот се веруваше дека е само „промоција“ и обид на Мајорга преку Роналдо да стигне до јавноста, но како што одминуваат деновите работата станува се посериозна.

Американската полиција ја започна истрагата поради наводното силување од 2009 година, а проблемите за Роналдо доаѓаат еден по еден. Најголем финансиски удар за

Португалецот би бил доколку неговите спонзори се оддалечат од него, нешто што „ЕА Спортс“ делумно го направи. Тие го отстранија Роналдо од своите страници на друштвените мрежи.

Но, јасно е дека најголем удар за Роналдо би било доколку „Најк“ се одлучи да го прекине договорот. Имено, Португалецот е една од трите ѕвезди кои имаат доживотен договор со американската компанија. Тој наводно вреди повеќе од милијарда евра и низ медиумите во САД се пишува дека оваа компанија веќе спремила тужба и го чека исходот од истрагата. Во случај Роналдо да биде прогласен за виновен, таа тужба би се активирала и Португалецот би останал без огромна сума на пари.