Најава за трансфер на Димитриевски? Рајо потпиша со искусниот Диего Лопез!

Шпански Рајо Ваљекано во своите редови го доведе голманот Диего Лопез кој ја чуваше мрежата на Еспањол.

Лопез во Рајо стигна како слободен играч, но овој потег за навивачите е изненадување затоа што Столе Димитриевски одлично го чува голот. Поради тоа веќе се помислува дека ова е најава за трансфер на македонскиот голман.

Во јануари Димитриевски преговараше со Барселона, се појави и опција за трансфер во Саудиска Арабија во Ал Наср. На крајот остана во Рајо. Во Барселона не се пресели само затоа што Каталонците не успеаа да го продадат Нето кој и сега е на трансфер листа.

По завршувањето на сезоната дел од шпанските медиуми блиску до Рајо пренесуваа дека клубот може да се реши да го продаде Димитриевски ако дојде добра понуда.

OFICIAL | @DiegoLopezOf es nuevo jugador del Rayo Vallecano para la temporada 2022-23.
¡Bienvenido, Diego López! ⚡️ pic.twitter.com/zX8qBrsaNm

— Rayo Vallecano (@RayoVallecano) July 2, 2022