Напаѓачот на Интер го провоцираше Јувентус, па ќе добиеше „воспитна“ од својот татко 🎥

Екипата на Интер по вчерашниот натпревар против Лацио го доби заслуженото Скудето. „Нероаѕурите“ беа најдобриот тим во текот на целата сезона и на крајот имаа право да се радуваат на трофејот.

На вчерашната прослава се случи и еден интересен момент во кој во центарот на вниманието беа Маркус Турам и неговиот татко, легендарниот Лилијан Туран.

Имено, во еден момент фудбалерите на Интер испратија провокација кон Јувентус со тоа што скандираа „Кој не скока е Јувентино“…

Во таа провокација се приклучи и младиот напаѓач, но тогаш кога Лилијан забележа што прави неговиот син се обиде да му „подели“ една „воспитна“. Причината секако е затоа што Лилијан е вистинска легенда на Јувентус и голем дел од својата кариера помина во Торино.

Сепак, вчера како горд татко присуствуваше на прославата на неговиот син.

🚨Marcus Thuram salta al coro “chi non salta è Juventino” e Lilian gli tira uno schiaffo 👀pic.twitter.com/oKtOsw5C70

— Juventus Top News (@JuventusTopNews) May 19, 2024