Навивачот објасни како успеа да втрча на терен (видео)

Барселона синоќа дојде до лесна победа на гостувањето кај Мајорка, а мечот го одбележа еден навивач кој втрча на терен.

Оваа ситуација во најмала рака беше чудна, бидејќи натпреварот се играше без публика, а еден навивач втрча на терен и го прекина мечот.

Навивачот беше со дрес на Аргентина, па дури успеа да направи и селфи со Жорди Алба пред да реагира обезбедувањето.

„Имав идеја да влеза на теренот уште пред пандемијата на коронавирус, Меси е мојот идол. Со месеци кроев планови како да направам фотка со Лео. Мојот сон беше да се сретнам и сликам со Меси“.

„Пристигнав пред стадионот кога беше 40-та минута, прескокнав ограда висока два метри и се искрадов на трибините. Потоа по скалите се симнав на теренот. Прво го здогледав Жорди Алба, и направив селфи со него. Тргнав кон Меси, некако успеав да направам фотка, која не беше баш добра. Најжално е тоа што полицијата ме натера се да избришам“, раскажа навивачот.

Со оглед на забраната за присуство на навивачите и прекршување на правилата и мерките поврзани со коронавирус, се очекува да добие голема казна.