Мурињо спреми 50 милиони за италијанскиот „бисер“

Младата ѕвезда на Рома, Никола Заниоло ќе биде една од најжешките теми на трансфер пазарот ова лето.

Поради финансиската ситуација Рома ќе биде приморана да ги продава своите најдобри фудбалери.

Најсилен интерес постои за Заниоло, за кого е заинтересиран Јувентус, а сега во трката за неговиот потпис се приклучи и Тотенхем.

„Спарси“ наводно се подготвени за потписот на Занило да понудат 50 милиони евра. Рома е спремна да го продаде својот „бисер“ но сака повеќе пари бидејќи 15% од трансферната сума ќе заврши во касата на Интер.

Јувентус веќе две години се обидува да го ангажира младиот италијански фудбалер, додека Интер сака да го врати на „Џузепе Меаца“ откако пред две години го испратија на „Олимпико“ како замена за Раџа Наинголан.

Тотенхем за да ја победи конкуренцијата треба да ја подобри понудата и да плати помеѓу 60 и 70 милиони евра.