Мурињо: Нема да плачам, ако не се случи ништо до крајот

Тренерот на Манчестер Јунајтед, Жозе Мурињо истакна денес дека клубот е во преговори да го врати Златан Ибрахимовиќ.

„Златан мисли дека може да направи уште многу и изминатата сезона не му беше доволна. Сепак, не е уште време да се зборува за неговиот потпис, се уште му треба време за закрепнување. Ќе видиме, којзнае што уште може да се случи“, истакна Мурињо пред британските медиуми.

Мурињо, исто така потенцира дека „нема да плаче“ ако Јунајтед до крајот на летниот преоден рок не донесе уште засилувања.

Јунајтед ова лето ги ангажираше Ромелу Лукаку, Виктор Линделоф и Немања Матиќ.