„Мундо Депортиво“: Перез ја „скроил“ судбината на Лопетеги уште пред „Ел Класико“

Шпански „Мундо Депортиво“ тврди дека „Ел Класико“ не било од пресудно значење и дека Лопетеги би бил отпуштен без разлика како ќе заврши овој натпревари, а заврши со вистинска катастрофа за „кралевите“.

Каталонскиот медиум пишува дека клубот го договорил Антонио Конте уште пред „Ел Класико“.

„Перез и пред „Ел Класико“ имаше постигнато договор со Конте. Дури и помошникот на Конте го гледаше натпреварот на стадионот“, пишува „Мундо Депортиво“.

Овој медиум наведува дека пресуден бил разговорот на Серхио Рамос со Перез на кој наводно капитенот отворено му соопштил на Перез дека Лопетеги ја нема поддршката од соблекувалната, нешто е што е спротивно на она што го тврдеше Лопетеги после вчерашниот натпревар.

Зошто тогаш Конте не бил именуван пред натпреварот?

„Перез не сакал Конте да започне со најтешкиот можен натпревар во Ла Лига“, барем така тврди „Мундо Депортиво“.

Како и да е Реал доживеа дебакл и сега би било вистинско изненадување доколку го видиме Лопетеги и на следниот натпревар на клупата на Реал Мадрид.