Модриќ ја „запали“ Америка: „Меси? Не, Хрватот е најдобриот ЛМ10 во земјата“

Со головите на Томори и Ромеро, Милан водеше против Реал со 2:0 до 57. минута од пријателскиот натпревар во Пасадена, предградие на Лос Анџелес.

Но, Реал потоа направи голем пресврт пред 75.000 гледачи. Најпрво Валверде постигна два гола за неполни две минути за израмнување, а потоа на шест минути пред крајот Винисиус погоди за 3:2 и победа.

Но потегот на натпреварот го направи Лука Модриќ. Влезе на полувремето наместо Камавинга и беше невидлив до самиот крај.

Сепак, тогаш покажа зошто е легенда на „Кралевите“. Месец и пол пред својот 38 роденден, Модриќ ја прими топката длабоко во половината на Реал и оттаму веднаш испрати фантастично додавање до Винисиус. Тој ја прими топката, со која Модриќ брилијантно ги префрли двете одбранбени линии на Милан, излезе пред голманот и погоди за победа.

Веднаш по велемајсторството на Модриќ кое стана вирално, на социјалните мрежи започнаа пофалните коментари за хрватскиот великан. Ова се највпечатливите коментари на Твитер, каде се шират снимки од асистенцијата на Модриќ од сите агли:

„Извинете, но што направи Модриќ?!

„Лука Модриќ е вечен. Безвременски.

„Лука Модриќ, ти се поклонувам.

„Лука Модриќ е магичен.

„Само два збора. Лука. Модриќ.

„Модриќ може да изведува само иконски потези.

„Ненормално е што Модриќ вака додава на 38 години. Не е ни чудо што не сакаше да дојде во Америка.

„Меси? Не, Модриќ е најдобриот LM10 во Америка“.

„Квалитетот и магијата не се изгубени, а дон Лука Модриќ само го докажа тоа.

„Чекаме до среда и натпреварот против Манчестер Јунајтед за да го видиме новото предавање на Дон Лука Модриќ.

„Модриќ по којзнае кој пат со неверојатна асистенција докажа дека е вториот најдобар играч од средниот ред во историјата. После Зидан.“

Im sorry but that pass from Luka Modric ????? pic.twitter.com/GteNYzNhQU

— V. (@ValvRmfc) July 24, 2023

Luka Modrić🎩pic.twitter.com/fBccDjFV6E

— Yulis Llorente 🐬 (@YulisRmcf) July 24, 2023