Младата Шпанија е вистинска „фурија“, седум гола против Костарика🎥

Репрезентацијата на Шпанија ја запиша највисоката победа во историјата на Светските првества, откако ја прегази Костарика со 7:0.

Резултатот го отвори Дани Олимо во 11-та минута со гол, кој сигурно ќе биде во конкуренција за „Гол на Мундијалот“.

Гави фантастично го проигра Олмо, кој со пируета се ослободи од чуварот и ја смести топката во голот.

Gavi with a beautiful assist and Olmo with the goal… these Spanish young boys are good👏 pic.twitter.com/ClKlIw7qVE

— @pappyyrn (@pappyyrn) November 23, 2022

Десет минути подоцна Асенсио со гол ја заврши одличната акција на „црвената фурија“, а во 31-та минута беше досуден пенал кој го гол го претвори Феран Торес.

Во вториот дел Шпанија продолжи со исто темпо, па на самиот старт Феран Торес со својот втор гол зголеми на 4:0. Во 75-та минута во листата на стрелци се запиша и 18-годишниот Гави, кој уште еднаш покажа дека е идната ѕвезда на „црвената фурија“.

OH MY GOD GAVI WHAT A GOAL. THIS IS YOUR GOLDEN BOY

pic.twitter.com/zfC9LTRisz

— H (@hazfcb_) November 23, 2022

Карлос Солер во 89-та минута зголеми на 6:0, а точка на натпреварот стави Алваро Мората во судиското продолжение.