Михајловиќ тренинзите на Болоња ќе ги води преку интернет

Синиша Михајловиќ во вторник го започнува својот најважен натпревар во животот.

Михајловиќ и утре ќе започне да се бори против леукемијата. Српскиот тренер утре во болницата во Болоња ќе започне со терапијата.

Тогаш и дефинитивно ќе биде утврдено за каков вид на леукемија станува збор бидејќи и докторот Џани Нани на саботната конференција призна дека не знае точно за кој облик на оваа болест станува збор.

Кога ќе биде познато за кој вид на леукемија станува збор тогаш ќе биде познат и точниот третман.

Како и што потврди претстедателот на клубот, Михајловиќ ќе остане тренер на Болоња. Добар дел од предсезоната веројатно нема физички да биде присутен на тренинзите и истите ќе ги води преку интернетн.

Михајловиќ преку видеотехнологија ќе ги следи тренинзите и ќе разговара со фудбалерите за да остане во тек со се што случува во тимот.