Милан – Џенова: Билет за влез во Топ 4, „росонерите“ немаат право на кикс!

Денес на програмата во Серија А е заостанатиот натпревар од првото коло помеѓу Милан и Џенова, меч многу важен за двете екипи.

Ова е шанса Милан со победа да се искачи на четвртата позиција на табелата, што е главна цел на „росонерите“ оваа сезона. Меѓутоа Џенова игра доста добро оваа сезона и заостанува само еден бод од гигантот од Милано.

Формацијата се промени, проблемите во одбраната останаа

Милан моментално се наоѓа на 7-та позиција на табелата, но со победа во овој меч ќе дојде до позиција која води во Лигата на шампиони, што е секако главна цел на сите во клубот. Исто така ова е шанса Гатузо да ја избрише прашината од своето име и да ги замолкне медиумите кои постојано пишуваат за негов отказ. После поразот во градското дерби од Интер имаше „потресе“ во црвениот дел од Милано, но Гатузо ја промени формацијата и го доби мечот против Сампдорија.

Младиот напаѓач Кутроне едноставно не може да биде оставен на клупа, па Гатузо реши да игра во тандем со двајца напаѓачи, а младиот Италијанец покажа дека одлично се согласува на теренот со неговиот идол Игуаин. Истата формација е најавена и за вечерашниот меч во кој „росонерите“ едниставно немаат право на кикс. Секако најслаба точка во тимот е одбраната, која прими гол на сите натпревари од почетокот на сезоната.

Солиден тим со „гол-машина“ во нападот

Џенова оваа сезона е едно од најпријатните изненадувања, па иако нема победа на последните три меча, со ремито против Јувентус покажа дека може да биде многу незгодна. Овој тим не ретко изминатите години се враќаше со бодови од Сан Сиро, па ќе се обиде истото да го направи и овој пат.

Секако, најзаслужен за добрите резилтати е „гол-машината“ Пијатек, кој во моментов е прв стрелец со 9 постигнати гола. Со оглед на фактот што Милан има „танка“ одбрана и примаше гол на сите натпревари од почетокот на сезоната за очекување е Полјакот вечерва да го постигне десетиот гол.

Веројатни состави:

Милан: Донарума, Абате, Мусакио, Ромањоли, Родригез, Кеси, Биглиа, Сусо, Кастиљехо, Кутроне, Игуаин.

Џенова: Раду, Бираски, Гинтер, Кришито, Переира, Беса, Мацители, Лазовиќ, Куаме, Ромуло, Пиатек.

Целосниот текст прочитајте го на специјализираниот портал kladenje.mk