Милан најде замена за Ибрахимовиќ

Златан Ибрахимовиќ најверојатно ја игра последната сезона во кариерата, па Милан веќе почна да му бара замена.

Примарна цел на „росонерите“ на лето ќе биде доведување на врвен напаѓач, а најголема желба е Џонатан Дејвид од Лил.

21-годишниот напаѓач оваа сезона блеска во дресот на Лил и го привлече вниманието на многу европски гиганти, но Милан е спремен да ја победи конкуренцијата.

Канаѓанецот оваа сезона има постигнато 16 гола на 29 меча и Лил за неговата слобода ќе бара најмалку 40 милиони евра.

Сепак, на Милан воопшто нема да му биде лесно да стигне до потписот на напаѓачот бидејќи за него интерес покажуваат уште Барселона, Интер, Арсенал и Ливерпул.