Милан и Бенфика блиску до договор: На „Сан Сиро“ доаѓа португалски „вундеркинд“

Со доаѓањето на Ибрахимовиќ пристигна и позитивен импулс во клубот, се врати ентузијазмот, па дојдоа и добрите резултати, но Милан сака додатно да го засилат тимот.

Раководството е во потрага по квалитетен играч за врска, а италијанските медиуми пренесуваат дека започнати се преговори со Бефика за трансфер на Флорентино Луис.

20-годишниот играч за врска важи за еден од најголемите таленти во Европа и веќе е незаменлив дел од лисабонскиот тим, а има откупна клаузула од 120 милиони евра.

Јасно е дека Милан нема намера да ја плати клаузулата, но Бенфика за својот „бисер“ бара 50 милиони евра.

Двата клуба се во напредни преговори, а „росонерите“ сакаат да го донесат играчот на 18-месечна позајмица за 5 милиони евра плус 40 милиони евра за откуп.

? CM: #ACMilan prioritise signing of Florentino Luis – Benfica demanding €45m packagehttps://t.co/vIY2zAimK7 #SempreMilan

— SempreMilan (@SempreMilanCom) January 27, 2020