Милан започна преговори со Ромањоли

Милан започнал преговори со својот капитен Алесио Ромањоли за продолжување на соработката, пренесува „Скај Италија“.

Ромањоли влезе во последната година од договорот, а преговорите за негово продолжување беа прекинати од поодамна.

Иако се очекуваше дефанзивецот сигурно да си замине на крајот на сезоната како слободен агент, сепак „росонерите“ ќе се обидат да го задржат.

Раководството доставило понуда до неговиот агент Мино Раиола, а во прилог им оди ситуацијата што самиот фудбалер сака да остане  на Сан Сиро.

Ромањоли оваа сезона игра одлично заедно со Томори во одбраната на италијанскиот гигант.