Милан го купува „заборавениот играч“ на Барселона?

Милан е во големи проблеми поради повредите, надвор од терените се Билја и Бонавентура, вториот изгледа дека и ја заврши сезоната, додека Гатузо се уште не може да смета на Мусакио, Калдара и Ромањоли.

Едно засилување веќе е капарисано за првиот месец следната година, талентираниот Лукаш Пакет од Фламенго ќе ги засили „Росонерите“, но управата е свесна дека потребни им се уште засилувања. Така се свртеа кон заборавениот играч на Барселона, Денис Суарез. Валверде не смета на поранешниот фудбалер на Севиља и Виљареал, му даде само една шанса оваа сезона, доби 10 минути во Лигата на Шампионите против ПСВ и тоа оваа недела.

„Росонерите“ така се надеваат дека би можеле да го ангажираат без поголеми проблеми, подготвени се да понудат позајмица со право на откуп, ќе видиме дали Барса ќе го прифати тоа или ќе се обиде да заработи од него уште во јануари.