Милан во новата сезона тргнува без Златан Ибрахимовиќ

Шведскиот напаѓач се уште нема донесено конечна одлука.

Како што јавува Скај Спорт, Ибрахимовиќ не одговорил на понудата од Милан и можно е во понеделник да не се појави на првиот тренинг на Милан од припремите за новата сезона.

38-годишниот играч како слободен агент од ЛА Галакси дојде во јануари, но неговиот договор истекува на крајот од август, а на Сан Сиро прават се да го задржат барем уште една сезона.

Ибра се уште нема донесено одлука за новиот договор, но се верува дека на крајот ќе потпиша, ќе остане верен на клубот и ќе му помогне после долго време да се врати во ЛШ.

Ибра во 20 натпревари од јануари постигна 11 голови и запиша пет асистенции.