Мбапе: Подобар сум од Меси и Роналдо

Младата ѕвезда на Пари Сент Жермен, Килијан Мбапе за француските медиуми зборуваше за тоа колку е важна самодовербата во фудбалот.

22-годишниот Мбапе истакна дека егото е неопходно за да се успее во фудбалот и откри каков механизам има тој за поткревање на самодовербата.

„Секако дека е многу важно, зашто кога ви е тешко, никој друг освен вас нема да ве извади од таквата ситуација. И мора да се убедите себе дека сте способни да поместите планини. Луѓето не го разбираат егото, но кога не ви оди добро, никој не може да ви помогне, само вие самите. Јас често си велам дека сум подобар од сите, па дури и од Лионел Меси и Кристиано Роналдо“, вели Мбапе.