Марота за Лаутаро: Ако замине ќе дојде нов класа играч!

Генералниот директор на Интер, Бепе Марота во интервју за „Газета дело Спорт“ зборуваше за трансфер плановите на „нероаѕурите“.

„Најжешка“ тема во Интер е секако иднината на Лаутаро Мартинез, кој силно се поврзува со трансфер во Барселона.

Марота не негира дека напаѓачот би можел да се пресели на „Камп Ноу“, но убедува дека ќе пристигне врвна замена.

„Сакаме да ја засилиме структирата на тимот, а Лаутаро е важен елемент. Благодарение на Конте, на клубот и на неговиот талент веќе прерасна во вистински шампион. Се уште не го достигнал врвот и може да го достигне во Интер“.

„Интер не сака да го продава, но во договорот на Лаутаро има откупна клаузула, која истекува на 7-ми јули. Ајде да видиме што ќе направи Барселона и каква е неговата желба. Тој сега е сконцентриран на Интер, но доколку замине ќе пристигне нов топ-напаѓач“, истакна Марота.