Марка: Поклонете му се. Реал немал ваков играч уште од Зидан

ЏУД БЕЛИНГЕМ ја започна спектакуларната кариера во Реал. За помалку од еден месец откако наполни 20 години и стана најскапиот играч во историјата на најголемиот клуб, се истакна и на двата пријателски натпревари на американската турнеја. Со победи против Милан (3:2) и Манчестер Јунајтед (2:0).

Белингем пред неполн месец стана најскапиот во историјата на Реал. Оттогаш, тој одигра два брилијантни натпревари за својот нов клуб.

Младиот Англичанец, кого Реал го купи од Борусија Дортмунд за 103 милиони евра и кој доколку се остварат бонуси може да чини 133 милиони евра и со тоа да стане најскапиот играч во историјата на Реал, извонредно го постигна првиот гол на натпреварот.

Беше брилијантен против Милан, а потоа и против Јунајтед, доволни му беа пет минути за да покаже дека е достоен за „петката“ на Зидан.

Поради тоа, но и поради неговиот општ впечаток, Марка имаше само пофални зборови и го спореди со еден од најголемите досега.

“Англиската ѕвезда одигра прекрасен натпревар. Хјустон беше сведок на шоуто на Џуд Белингем. Играч кој не само по бројот на дресот, туку и по многу работи; движења, акции, мајсторија, потсетува на Зинедин Зидан”, пишува Марка.

Jude Bellingham has arrived. 🤍 pic.twitter.com/PzmB3zUUjq

— TC (@totalcristiano) July 27, 2023