Манчестер Јунајтед ќе се насочи кон Валверде

Манчестер Јунајтед е во потрага по нов кормилар, а новото тренерско име е Ернесто Валверде, пренесуваат медиумите на Островот.

После отказот на Солскјер се споменуваа многу имиња, Зидан ги одби „црвените ѓаволи“, а ПСЖ го блокира доаѓањето на Покетоно, па „црвените ѓаволи“ сега ќе се насочат кон поранешниот тренер на Барселона.

Валверде од мај 2017 до јануари 2020 година ја тренираше Барселона со која освои две шампионски титули. Претходно беше тренер на Атлетик Билбао и има големо искуство.

Валверде моментално е без ангажман и е спремен да ја прифати понудата на Манчестер Јунајтед. Сепак, не е јасно дали „црвените ѓаволи“ го сакаат како привремена опција до крајот на сезоната или ќе му понудат подолг договор.

Man Utd hold initial talks with former Barcelona boss, Ernesto Valverde as they search for interim manager…

— Sky Sports News (@SkySportsNews) November 24, 2021