Манчестер Јунајтед ја одредил цената за Мегваер – тешко дека некој ќе ја плати!

Навивачите бараат, но засега не е познато дали Хари Мегваер наредната сезона ќе го носи дресот на Манчестер Јунајтед.

Во најголем дел од сезоната, Мегваер добиваше жестоки критики од навивачите за неговите реакции во одбраната, а според последните информации од Островот, Јунајтед ја одредил цената по која сака да го продаде.

Но, ако информациите се точни тешко дека некој би ја платил. Наводно, Јунајтед за услугите на Мегваер ќе бара сума од 50 милиони фунти што изгледа како премногу ако се земат во предвид неговите настапи.

Во претходниот период Мегваер се поврзуваше со трансфер во Астон Вила, меѓутоа тие се спремни максимално да понудата 30 милиони фунти. За Мегваер е неизвесно и дали во иднина ќе биде дел од репрезентацијата затоа што Саутгејт истакна дека ако нема минутажа во клупскиот фудбал, тогаш не може да му гарантира место во англиската селекција.