Манчестер Јунајтед и Челзи се „тепаат“ за играч на Лил

Францускиот прволишаг Лил е спремен да ја продаде својата млада ѕвезда, Бубакари Сумаре, за кого силен интерес покажуваат Манчестер Јунајтед и Челзи.

Манчестер Јунајтед и Челзи веќе започнале преговори со 20-годишниот фудбалер, па тој конечното решение за трансферот ќе го донесе после мечот со Пари Сент Жермен.

Сумаре оваа сезона со своите настапи ги воодушеви фудбалските критичари, па веќе го доби епитетот „новиот Погба“, бидејќи многу наликува на ѕвездата на Манчестер Јунајтед.

Арсенал, Реал Мадрид и Валенсија исто така го следат фудбалерот, но Јунајтед и Челзи се најконкретни и сакаат да го донесат во јануари.

Француските медиуми тврдат дека Лил е спремен да го продаде, па сега самиот играч треба да одлучи дали ќе се пресели во Манчестер или Лондон.