Манчестер Јунајетд тргнува по младата шпанска ѕвезда

Младите Шпанци го освоија Европското првенство за играчит од 21 година, а еден од играчите кои блесна е сигурно Дани Олмо.

Крилниот напаѓач е член на Динамо Загреб, каде пристигна од школата на Барселона во 2014 година како слободен играч.

Олмо веќе подолго време е на радарот на европските гиганти, а на Европското првенство само уште еднаш го докажа својот квалитет.

За 21-годишниот Шпанец најсилен интерес покажува Манчестер Јунајтед, кој е спремен да понуди 40 милиони евра за неговиот потпис.

Динамо Загреб знае дека во своите редови има „дијамант“, па очекува да ја направи најголемата продажба во својата историја.

До овој момент рекордот го држи Марко Пјаца кој беше продаден во Јувентус за 23 милиони евра.