Македонските одбојкари со најдобар пласман во историјата!

Македонската машка одбојкарска репрезентација го оствари најдобриот пласман во историјата, откако на најновата ранг листа на ЦЕВ, скокна две места и сега е 21 одбојкарска сила во Европа.

Благодарение на одличниот настап на Европското првенство на кое остваривме важни победи и бевме на чекор од нокаут фазата, Македонија направи скок од две места и сега сме на 21-то место во Европа.

На врвот на листата е Србија која го освои златниот европски медал, а зад неа е шампионот во Лигата на нации, селекцијата на Русија. Во Топ 5 се уште и репрезентациите на Полска, Франција и Италија.