Македонија се спасуваше од пораз – Поповски донесе реми против Италија

Македонската ракометна репрезентација после вчерашната победа над Турција, денес се спасуваше од пораз против Италија и одигра реми, 26:26.

Подмладената селекција на Македонија се спасуваше од пораз против Италија и со голот на Поповски успеа да извлече реми 26:26.

Италија го отвори подобро мечот, па тргна со серија од 4-0, по што и Македонија врати на ист начин и израмни на 4-4, а на одморот се замина со нерешени 12:12.

Во вториот дел Италија се одлепи на пет голови разлика 22:17, но финишот и припадна на Македонија. Пред самиот крај Мартин Поповски од пенал погоди за конечни 26:26.

Македонија ја очекуваат уште два пријателски меча во Скопје и тоа против Грузија. Составот на Брестовац за овие мечеви ќе биде засилен со интернационалците Кире Лазаров, Борко Ристовски, Дејан Манасков, Филип Кузмановски и Филип Талески.