Лудница во финишот, Кливленд со нов ростер: Роуз оди во Јута, Двејн Вејд се враќа во Мајами!

После трејдот со Лејкерси нови промени во Охајо и нов потрес во НБА лигата.

Кливленд слабо ја започна тековната сезона, па беше само прашање на време кога ќе направат одредени промени во ростерот.

Денес е последен ден за такво нешто, а актуелниот шампион на исоткот направи дури пет промени.

Веќе пишувавме дека во Кавси пристигнуваат Лери Ненс Жуниор и Џордан Кларксон од Лејкерси додека на „Стејплс центарот“ преминуваат Ајзеа Томас, Ченинг Фрај и првиот пик на Кавси од наредниот драфт.

Но, не застанаа тука, сега објавија уште два трејда и направија три големи промени во ростерот.

Како што пренесува Адријан Војнаровски, објавена е размената со Јута и Сакраменто.

Во Кливленд пристигнуваат Родни Худ од Јута и Џорџ Хил од Сакрамент, Сакраменто ќе го добие Џо Џонсон од Јута и иман Шамперт од Кливленд, додека Јута го добива Дерик Роуз и Џејк Краудер, двајцата одат во редовите на тимот од Охајо.

Значи да сумираме:

Кливленд ги добива: Родни Худ, Џоџр Хил

Јута ги добива: Дерик Роуз, Џеј Краудер

Сакраменто ги добива: Џо Џонсон, Иман Шамперт.

Тоа сепак не е се, Кливленд одлучи да му излезе во пресрет и на Двејн Вејд кој ќе пуштат да се врати во Мајами. Вејд се врати на Флорида каде што и сака да ја заврши кариерата, а за возврат Кливленд од Мајами ќе го доби пикот од втората рунда на наредниот драфт кој ќе го испратат во Сакраменто.

Вистинска лудница во Охајо, Кливленд добива целосно поинаков тим.