Листата скратена на пет имиња: Кој ќе биде новиот „Мбапе“?

Листата на кандидати за најдобар млад играч претрпе неколку промени и сега е намалена на пет имиња.

Имено, денес е објавена листа од пет имиња за наградата „Голден Бој“ а победникот ќе го изберат новинарите од реномираните светски медиуми.

За наградата „Голден Бој“ во игра влегуваат сите играчи под 21 година и во предвид се зимаат нивните настапи во изминатата календарска година.

Минатогодишниот освојувач Килијан Мбапе го нема помеѓу петмината номинирани, иако според годините и понатаму може да конкурира за ова признание. Тоа е така поради тоа што Мбапе е сериозен кандидат за освојување на „Златната топка“.

Петмината номинирани се: Патрик Клајверт (Рома), Матијас Де Лихт (Ајакс), Трент Александер Арнолд (Ливерпул), Патрик Кутроне (Милан) и Винисус Жуниор (Реал Мадрид).

Добитникот на ова признание ќе биде објавен на 17-ти декември, треба да се потсети дека во минатото оваа награда ја освојуваа Ван Дер Варт, Руни, Фабрегас, Агуеро, Балотели, Геце, Иско, Погба, Стерлинг…