Линекер до Барселона: Ајде, нели бевте повеќе од клуб?

Mногу прашина се крена во претходните денови во фудбалската јавност откако беше објавно дека е формирано новото натпреварување – Суперлига.

Суперлигата ја основаа најбогатите клубови во Европа со цел да заработуваат многу повеќе пари отколку што е во овој момент случај од натпреварувањата на УЕФА. Главен заговорник за оваа идеја беше Флорентино Перез, кој сега е и претседател на ова натпреварување.

До овој момент учеството го потврдија: Реал Мадрид, Барселона, Атлетико Мадрид, Јувентус, Интер, Милан, Арсенал, Манчестер Јунајтед, Манчестер Сити, Тотенхем, Челзи и Ливерпул.

Come on @FCBarcelona, you’re so much better than this. This is not what you’re about. You’re Més Que Un Club. Prove that’s still true.

— Gary Lineker 💙 (@GaryLineker) April 20, 2021

Ова натпреварување би требало да има 20 клубови од кои 15 ќе бидат фиксни учесници (набројаните 12 и уште три).

Голем број фудбалери го критикуваа формирањето на оваа лига, а сега се огласи Гери Линекер кој испрати „отровна стрела“ кон Барселона.

„Ајде Барселона, ти си подобра од ова. Ова не е она што е својствено за тебе. Ти си повеќе од клуб, докажи дека тоа е вистина“, порача Линекер.