Лига Европа: Вардар – Пјуник, анализа и предлог тип – Вардар се уште фаворит за пласман понатаму

Вардар е домаќин на Пјуник во реванш мечот од квалификациите на Лигата на Европа. Неочекуваниот пораз во Ерменија од 1:0 е многу незгоден. Но Вардар има квалитет да го мине Пјуник кој и покрај бледата игра на Вардар не покажа голем квалитет за да напредува во ова натпреварување.

Пораз и веднаш смена на Бабунски

Изненадувачки дојде веста за новата промена на кормилото на црвено-црните, откако Бабунски одработи само еден меч (поразот во Ереван), во очајна игра во текот на 90-те минути. Бабунски дојде на местото на Чедомир Јаневски во април годинава, откако претходно беше директор на Академијата. Раководството сега експресно го смени, а најавите се дека повторно го враќа во школата. Затоа прв пат во својата тренерска кариера шанса да води прва екипа ќе добие поранешниот македонски репрезентативец Александар Васовски, кој најдобро ги знае фудбалерите во тимот. Ова не е првпат Вардар да смени тренер непосредно пред важен меч, затоа што во историската мината година, Гоце Седлоски си поднесе оставка два дена пред првиот меч со Фенербахче. Јаневски го презема клубот и го одведе Вардар во групите во Лига Европа. Дали смената неопсредно пред натпревар ќе донесе уште еден успех, останува да видиме.

Вардар не можеше да одигра полошо во Ереван

Вардар одигра очајно на првиот натпревар во Ерменија. Тешко декаможеме да се сетиме на послаб Вардар од тој во Ереван, без идеја, без цел, без ниту една вистинска закана кон противничкиот гол. Но и покрај бледиот Вардар, Пјуник не покажа ништо посебно на тој натпревар. Токму тоа му дава надежи на македонскиот тим дека со подобра игра на домашен терен може да се обезбеди пласман во следната рунда. Дури и со малку подобар лик, вардарци ќе бидат блиску до следната рунда. Пјуник едноставно нема квалитет за да го мине македонскиот тим, без разлика што во Скопје доаѓа со предност од 1:0.

Вардар е послаб од минатата сезона, но …

Ако го споредиме овој Вардар, со оној кој минатата сезона играше во групната фаза во Лигата на Европа можеме слободно да заклучиме дека овој Вардар е многу послаб. Тоа е така поради неколку причини. Се сменија еден куп тренери за една сезона од Седловски, до Чеде па сега до Бабунски, кој го замени в.д тренерот Васовски. Но тоа не е главниот проблем. Проблем е што си заминаа клучните фудбалери, пред се од средниот ред. Да, точно е дека Вардар донесе засилувања оваа сезона, но тие дојдоа многу доцна и нереално е да очекуваме од нив веднаш да се наметнат со своите игри во тимот. Дарко Мицевски е одличен во средината, Коста Манев има неверојатни вештини во одбраната па дури и на левата бековска позиција. Е сега кога во прашање се интернационалците тешко е од сега да се суди за нивниот квалитет.

Целиот текст прочитајте го на специјализираниот портал kladenje.mk