Ливерпул му нуди нов договор на Вајналдум

Актуелниот европски шампион игра уште една одлична сезона и сака долготрајно да го задржи „костурот“ на тимот.

Раководството на „црвените“ спрема нови договори за неколку важни фудбалери, меѓу кои и Жоржињо Вајналдум.

Според англиските медиуми Ливерпул ќе му предложи на 29-годишниот Холанѓанец нов договор до 2023 година, а неговиот актуелен договор истекува во 2021 година.

Ливерпул го доведе Вајналдум летото 2016 година од Њукасл за 28 милиони евра и Холанѓанецот е важен дел од тимот на Клоп. Оваа сезона има постигнато 5 гола на 38 меча.