Легендарното фудбалско име пристигнува на кормилото на англискиот великан?!

Легендарниот француски интернационалец и фудбалер на Арсенал, Тиери Анри би сакал да остане во тренерските води.

Астон Вила не успеа да се пласира во Премиер лигата изминатата сезона со оглед на тоа дека во финалето од плеј-офот беше поразена од Фулам.

Многумина тогаш најавија пропаст на некогашниот европски шампион, поради големите трошоци, но спасот сепак стигна во вид на Насеф Савирис, египетскиот милијардер кој купи 55% од акциите во клубот.

Веднаш вети големи инвестиции и претстави амбициозен план за враќање во најголемиот англиски ранг.

Основата на се би бил нов менаџер, а Египќанецот фрли око на Тиери Анри, јавува Мирор.

Французинот на неодамна завршениот Мундијал во Русија беше помошник селектор на Белгија, на Роберто Мартинез и го освои третото место со тимот.

Потоа, даде отказ на коментаторското место за да се посвети на тренерската професија, а изгледа дека прво би можел да пристигне на „Вила Парк“.