Легендарниот играч на Барса се сели во Атлетико Мадрид

Играчот на Барселона, Сержи Роберто донел конечна одлука да го напушти клубот на крајот на сезоната, пренесуваат каталонските медиуми.

Сержи Роберто го загуби првотимскиот статус и оваа сезона добива многу мала минутажа, а има понуда од Атлетико Мадрид.

30-годишниот Роберто е дете на Барселона, но неговиот договор истекува на крајот на сезоната и нема најави за негово продолжување.

Атлетико сака да ја искористи ситуацијата и да го донесе без обештетување, а Роберто е спремен да ја прифати понудата на „јорганџиите“ иако има понуди и од МЛС лигата.

Сержи Роберт имаше тешка повреда и не игра од октомври, но добро се рехабилитира и наскоро ќе се врати на терените.