Леверкузен го демантира трансферот на Хаверц: Тоа се глупости

Спортскиот директор на Баер Леверкузен, Руди Фелер категирично ги демантираше информациите дека е договорен трансферот на Каи Хаверц во Челзи.

Утрово се појавија информации дека Леверкузен ја прифатил понудата од Челзи од 80+20 милиони евра и дека трансферот на Хаверц е само прашање на време.

Еминентниот „Билд“ исто така информираше дека двата клуба ги договараат последните детали од трансферот, не сега Леверкузен ги демантираше таквите наводи.

„Тоа се глупости“, кратко прокоментира Фелер за „Кикер“.

Не е тајна дека Хаверц веќе има договор со Челзи и дека двата клуба преговараат за трансфер, па останува да видиме како ќе се одвива ситуацијата после ваквата изјава.