Левандовски: Не знам дали ќе заминам од Баерн

Капитенот на полската репрезентација Роберт Левандовски веќе неколку пати јасно кажа дека сака да го напушти Баерн Минхен.

Од друга страна од раководството на Баерн зборуваат дека не е сигурно дека полскиот напаѓач ќе си замине бидејќи има договор со клубот од Минхен уште една година, па тие одлучуваат дали ќе го пуштат.

Левандовски сега во интервју за германски „Билд“ и призна дека не знае дали ќе има можност да си замине.

“Не знам дали ќе заминам. Мојот договор е со важност уште една година, побарав дозвола од клубот да ја сменам средината. Мислам дека ова е најдоброто решение за целата ситуација. Со моето заминување во овој момент и клубот би заработил пари“, истакна Левандовски и продолжи:

“Ние не сме непријатели. Го почитувам овој клуб и овој град бидејќи ми станаа втор дом. Не сум себичен. Знам што ми даде Баерн и навистина го ценам тоа. Сакам се мирно и пријателски да се заврши“.

Левандовски за Баерн игра од јули 2014 година. Досега одигра 374 натпревари, на кои постигна 344 голови и забележа 124 асистенции. Десет пати ја освојуваше Бундеслигатата, а во сезоната 2019/2020. ја освои и Лигата на шампионите.