Левандовски за „Златната топка“: Лео е Ферари, исто и јас само понова верзија

Иако многумина сметаат дека Роберт Левандовски требаше да ја освои Златната топка претходната година, Лионел Меси стигна до ова признание седми пат во кариерата.

Сега полскиот напаѓач повторно зборуваше на оваа тема. Во претходниот период се појавија и изјави кои дадоа слика дека Левандовски е лут на Меси, но тоа не е така.

„Тешко е да се каже дека бев бесен ако се погледне фактот дека изборот е помеѓу мене и Лионел Меси. Од една страна станувате емотивен, вашата самодоверба уште повеќе се зголемува бидејќи, според половина од луѓето кои гласале сте биле најдобар. Другата половина сметаа дека Меси е подобр. Но ,тоа е Лео меси 12-15 години е во врвот“, изјави Левандовски.

Се обиде и сликовито да објасни.

„Тој е нешто како историско Ферари, а вие исто така се чувствувате како Ферари, само понова верзија“, објасни Левандовски.